امتياز عادل سومرو ( الا ڪو اهڙو واءَ وري) نظم

  

 الا ڪو اهڙو واءُ وري

توکي مونکي قست آڻي هڪڙي جاءِ ڪري!

الا ڪو اهڙو واءُ وري!

تون مان گڏجئون رسمُن جو ڀل راڻي رَتُ ٻري!

الا ڪو اهڙو واءُ وري!

تون به اچڻ جو سوچين سَچُ پَچُ منهنجي اَکِ فري!

الا ڪو اهڙو واءُ وري!

قُربن آڏو قهر ڪنبي ۽پيار کان پاپ ڏري!

الا ڪو اهڙو واءُ وري!

تنهنجا نيڻ چُما مان توکي ڀاڪُر منجھ ڀري!

الا ڪو اهڙو واءُ وري!

شال گھڙي کن گھوري مون ڏي ٿورو ڌيان ڌري!

الا ڪو اهڙو واءُ وري!

تنهنجي مونکان منهنجي توکان ساعت ڪين سَري!

الا ڪو اهڙو واءُ وري!

ڪاڇي جهڙوهانءُ ڪچي جيان سانوڻ منجھ ٺري!

الا ڪو اهڙو واءُ وري!

اُڻ تڻ کي شل آڳ لڳي ڪاڳڻتي شال ڳري!

الا ڪو اهڙو واءُ وري!

پيار تان پهرن پابندين جوموذي موت ٽري!

الا ڪو اهڙو واءُ وري!

تاريخُن ۾ تنهنجو منهنجو اُجرو عشق  تري!

الا ڪو اهڙو واءُ وري!

عمريون اَڻ کُٽُ عادّل ماڻي تو تي مست مري!

الا ڪو اهڙو واءُ وري